Ani Levosoja e Bujanovcaki,putardjape e dujto ekspozita e zhigonengiri e simentalna rasake”Bujanovca 2016”.
Tallav o organizuiben e Veterinarengi stanicaani Bujanovca thaj e Bujanovcakiri komuna sar sponzori,ano gav Levosoje,poshmindja e ekspozita e simentalna zhigonengiri” Bujanovac 2016”nake staqcioneske
Ko putaribe vakeribaske,o direktori e Veteri nake stacioneske Miodrag Milkovic bahtarindja sarinen kollasine prezenti,vakerindo so si akava o dujto bresh sar organizuinellape asavki ekspozita.
“Sigurno so bi bucako akale farmerengo, amen nashti sine te organizuina nijek ekspozita e simentalna zhigonengiri.Adjahare vi bi azhutibasko e komunako,amen nashti sine korkoro te finansirina”deklaruindja o Milkovic.
O presidenti e Bujanovcake komunake Shaip Kamberi ko putariben e ekspozitako,palem vakerdja so e komuna e Bujanovcaki ka barjari o agrarno budzeti.
“Amen sinjam akate te azhutina jek-jekhe .Ka khuva ko sakoneske vudara adjahre so shaj te resa o standardi e farmerengo“vakerdja o Kamberi.
“Sa adjahare adzikerav o azhutipe sa e deputetengoro andi Bujanovca ,so te azhutinipe akale farmeren .Dava tumen llafi so o budzeti vash o agrari ko 2017.bresh ka vazdellpe ko duj droma po buter”adjahare agorisarda o Shaip Kamberi ,presidenti e Bujanovcake komunako.
Ki akija bershutni ekspozita chhivdepe 79 simentalna gurumnja,13.bakre thaj 3.buznja.
Akava si o dujto bresh so organizuinipe ekspozita e simentalna zhigonengiri ani komuna e Bujanovcakiri
