Bujanoc, 13 prill 2023. Protokolli i nënshkruar nga ministrat e Brendshëm të Kosovës dhe Shqipërisë mundëson lëvizjen e lirë të qytetarëve në zonat ndërkufitare, thotë kryeministri i Kosovës, Albin Kurti. Ai theksoi se kjo thellon më tej bashkëpunimin ndërshtetëror dhe lehtëson ndërveprimin e qytetarëve në të dy anët e kufirit.
Kurti ka njoftuar në Facebook se Protokolli për regjimin e qarkullimit lokal në zonat kufitare mundëson lëvizjen e lirë të qytetarëve që jetojnë në zonat kufitare, në 26 pika të veçanta kufitare.
“Më shumë se 200 mijë qytetarë të Kosovës dhe Shqipërisë që jetojnë në zona deri në 30 kilometra nga kufiri tokësor kanë të drejtë të kalojnë lirisht kufirin dhe të qëndrojnë në zonën kufitare, për arsye sociale, kulturore, familjare…”, kishte shkruar Kurti të mërkurën.
Protokolli u nënshkrua sot në Tiranë nga ministri i Punëve të Brendshme të Kosovës, Xhelal Sveçla dhe homologu i tij shqiptar, Blejdi Çuçi.
Demokracia zvicerane: Ismail Ismailli dhe vajza e tij Valentina, diamante i Bujanocit në diasporë
Tani, Zvicra është shtëpia e tyre, por të gjithë qytetarët e Bujanocit mund te jenë krenarë me punën…
