DR. BURHAN HALILI: SITUATË KRITIKE, JU LUTEM TË JENI TË KUJDESSHËM

Shkruan: N. Stevanoviq

 Bujanoc, 27 korrik 2020 – Situata me Covid-19 në komunën e Bujanocit po përkeqësohet, numri i të infektuarve po rritet çdo ditë, dhe mundësitë dhe kapacitetet e Shtëpisë së shëndetit po zvogëlohen, tha Dr. Burhan Halili, specialist i sëmundjeve të mushkërive në entin shëndetësor në Bujanoc.

 Ai u bën apel qytetarëve që kanë simptomat e kovid-19 të mos hezitojnë, por të paraqiten te mjeku sa më shpejt të jetë e mundur dhe të kërkojnë ndihmë në mënyrë që të shmangen ndërlikimet e mundshme që virusi mund t’i shkaktojë.

 -Ju lutemi të jeni sa më të kujdesshëm, në mënyrë që ta kurseni shëndetin tuaj dhe shëndetin e anëtarëve të familjes tuaj. Vendosni maska, mbajeni distancën, mirëmbani higjenën personale – tha Dr. Halili të Dielën.

 Më parë, një apel të ngjashëm u bë nga një mjek tjetër në Shtëpinë shëndetësore, doktor Adnan Salihu.

 Sipas të dhënave më të fundit zyrtare të publikuara nga Shtpia e shëndetit në Bujanoc, që nga fillimi i epidemisë e deri më 23 korrik në komunën tonë  janë evidentuar  93 raste me Covid-19, ndërsa vetëm në muajin korrik janë infektuar 65 persona.




Leave a Reply

Your email address will not be published. Required fields are marked *