Shkruan: N. Stevanoviq

Bujanoc, 12 gusht 2020 Formimi i shumicës gjithëshqiptare në Bujanoc është një shembull i mirë për të gjitha trevat e banuara nga shqiptarët, tha Qëndron Kastrati, kryetari i komunës së Kamenicës, pas takimit që pati të mërkurënme Nagip Arifin.

 Gjatë vizitës së tij në Bujanoc, Kastrati tha gjithashtu se ai mbështeti “përfshirjen e shqiptarëve të Luginës së Preshevës në dialogun ndërmjet Kosovës dhe Serbisë”.

 – Të dy kryetarët diskutuan gjithashtu për problemet e zakonshme të dy komunave, situatën me Covid-19 dhe pengesat e kthimit të bashkëatdhetarëve në vatrat e tyre, gjë që ndikoi negativisht në ekonomitë e të dy komunave – thuhet në komunikatën e lëshuar nga vetëqeverisja lokale.

 Kastrati premtoi se do të avokonte për thellimin e bashkëpunimit ndërmjet Bujanocit, Kamenicës dhe Gjilanit për arritjen e qëllimeve të përbashkëta.

 Gjatë vizitës së tij në Bujanoc, Kastrati do të takohet edhe me përfaqësues të shqiptarëve në Parlamentin serb, si dhe do të vizitojë Këshillin Kombëtar të Shqiptarëve.