fbpx

UDHËHEQËSIA E KOMUNËS ENDE NUK DEKLAROHET PËR KOALICIONIN ME SNS-ën

Bujanoc, 26 gusht 2020 (Foto ngaBujanovaçkes: Këshilltarët rreth SNS) – Udhëheqja e Komunës Bujanoc nuk është akoma duke menduar për përfshirjen e mundshme të SNS-it në pushtetin vendor, ka mësuar Bujanovaçke nga burimet e veta.

Sipas informacioneve tona, në fillim të javës u mbajt një mbledhje e drejtuesve të komunës, në të cilën nuk u diskutua për zgjerimin e koalicionit.

Kryetari i Kuvendit, Enver Ramadani (PVD), konfirmoi për Bujanovaçke se në mbledhjen e përmendur nuk ishte diskutuar hyrja e SNS-it në koalicionin qeverisës lokal.

– Kemi pasur një takim joformal për funksionimin e komunës, nuk kemi diskutuar për zgjerimin e koalicionit. Nuk ka asgjë të re për këtë temë, tha Ramadani për Bujanovaçke.

Ai shtoi se partia e tij nuk ka ende një qëndrim zyrtar për këtë çështje:

– Kryetari i partisë, Shaip Kamberi, është në pushime, ndërkaq unë nuk jam personi që mund të vendos dhe të flasë për këtë temë, tha Ramadani.

Bujanovaçke i dërgoi kabinetit të kryetarit të Komunës, Nagip Arifi një kërkesë zyrtare për intervistë, por ende nuk kemi marrë përgjigje.

Sapo Arifi u zgjodh në funksionin e kryetarit të komunës kishte deklaruar se “dera e pushtetit nuk është e mbyllur për serbët”.

Nga ana tjetër, udhëheqësi i progresistëve lokalë, Nenad Mitroviq, tha të martën, për Bujanovačke se, edhe përkundër paralajmërimit, ai ende nuk ka marrë ndonjë ftesë nga Nagip Arifi për të biseduar reth kësaj teme.


TAG


Leave a Reply

Your email address will not be published.