Bujanoc, 29 shtator 2020. Nuk do të ketë më përmbytje dhe rrjedhje të ujërave të zeza në qendër të Bujanocit, iu premton qytetarëve Ruzhdi Halili, njeriu i parë i NP “Komunalia”, pas përmbytjeve në qendër të qytetit nga të reshurat e fundit.

Kompania e shërbimeve komunale, tha ai, po punon intensivisht për të zëvendësuar pompat e dëmtuara të ujërave të zeza, të cilat po shkaktojnë probleme.

Për përmbytjeve të djeshme pranë Shkollës Muzikore dhe pamjet e zakonshme të përmbytjeve pas çdo shiu të madh, Halili tha se punëtorët e “Komunalisë” reaguan menjëherë.

– Natën e kaluar, përmbytja u shkaktua nga një ujmbledhës i bllokuar për shkak të punëve të rindërtimit që po ndodhin atje. Ujmbledhësi tani është pastruar dhe nuk do të ketë më përmbytje – tha Halili.

Në pyetjen e Bujanovaçkes, se nëse tani është koha për zgjidhje të qëndrueshme të këtij problemi,meqë në atë pjesë të rrugës tani më është hequr shtresa e asfaltit, Halili tha se nuk ka nevojë për ndërhyrje në rrjetin e kanalizimit.

-Prej vitesh ujrat atmosferikt në qendër të qytetit derdhen në rrjetin e ujërave të zeza, për shkak të pompave të prishura që shkaktojnë daljen e ujrave në sipërfaqe. Ne filluam të instalojmë pompa të reja, megjithatë, për shkak të sasisë së madhe të ujit, duhet më shumë kohë – thotë ai.

Ai theksoi se gjeti një situatë të keqe në “Komunali” dhe se duhet kohë për të korrigjuar të gjitha gabimet e menaxhmentit të mëparshëm, por se kanalizimi është në krye të listës së përparësive.