fbpx

TË DHËNAT MË TË REJA: 27 PERSONA TË INFEKTUAR NË NËNTOR

Shkruan: N. Stevanoviq

Foto: Raporti i Qendrës Shëndetësore: 27 pozitive në nëntor

Bujanoc, 6 nëntor 2020. Sipas të dhënave më të fundit të cilat Bujanovaçke i morën nga Shtëpia e shëndetit, nga fillimi i nëntorit deri më sot, në Bujanoc janë regjistruar 27 raste të reja me Covid-19.

Siç kemi njoftuar më herët, sot janë regjistruar 12 raste të reja, mirëpo këtu nuk janë përfshirë rezultatet e testeve të kryera në Entin e shëndetit publik në Vranjë, e as testet aerologjike të kryera në Shtëpinë e shëndetit në Bujanoc.

Raporti i Shtëpisë së shëndetit në të cilin kishim qasje, thuhet se nga 1 nëntori janë 12 raste pozitive në testin PCR në ESHPV, po aq në Shtëpinë e shëndetit, si dhe tre raste pozitive në testin serologjik të bëra në këtë ent.

Është rritur edhe për dy numri i të infektuarve në mesin e punonjësve të Shtëpisë së shëndetit, ashtu që numri total i të infektuarëve është 22 persona.

Sipas këtyre të dhënave, numri i përgjithshëm i rasteve që nga fillimi i epidemisë është 242, ndërsa vetëm nëntorit janë shënuar 27 raste.

Sa për krahasim, gjatë tërë tetorit ishin gjithësejtë 16 raste.

Gjatë ditës së sotme drejtoresha e Shtëpisë së shëndetit, Dr. Daliborka Pavloviq, i tha Bujanovaçkes se situata është duke u përkeqësuar, por se ende është nën kontroll.

Ajo shtoi se testet treguan se shumë qytetarë e kishin kaluar infeksionin pa duke mos qenë në dijeni për këtë.




Leave a Reply

Your email address will not be published.