fbpx

COVID – 19: PËR KATËR DITË 50 BUJANOCAS TË SËMURË

 

Bujanoc, 15 tetor 2021. – Sipas të dhënave të 24 orëve të fundit nga Enti për mbrojtjen e shëndetit publik në Vranjë, në Bujanoc janë konfrmuar 12 raste të reja të infeksionit me virusin Covid – 19.

Për katër ditët e fundit, në Komunën e Bujanocit me Covid – 19 janë prekur 49 persona, ndërsa që nga fillimi i muajit janë regjistruar 171 raste të infeksionit.

Siç u njoftua të Premten nga Qendra Shëndetësore në Vranjë, një pacient vdiq dje në spitalet Kovid të kësaj Qendre, ndërkaq në 20 ditët e fundit pati 45 vdekje.

Në Qarkun e Pçinjës të enjten u testuan 478 persona, ndërsa 129, ose 26.9 përqind e tyre, rezultuan pozitivë.

Nga ky numër, 67 janë nga Vranja, 23 nga Surdulica, 14 nga Vlladiçin Hani, 9 nga Tërgovishta, 3 nga Bosilegradi dhe 1 nga Presheva.

120 pacientë me Covid – 19 janë në trajtim spitalor.




Leave a Reply

Your email address will not be published. Required fields are marked *