fbpx

QYTETARËT: PAPUNËSIA DHE MOSINTERESIMI I QEVERISË QENDRORE PROBLEMI MË I MADHË I BUJANOCIT

Bujanoc, 12. Nëntor 2021. – Problemi më i madh që i mundon banorët e komunës së Bujanocit është papunësia, tregojnë rezultatet e anketës “Problemet e qytetarëve” të publikuar në portalin tonë.

Nga tetë përgjigjet e ofruara në pyetjen “Cilat janë problemet më të mëdha në komunën e Bujanocit”, papunësia ka qenë përgjigje e 67,56 për qind e të anketuarve, ndërsa ekologjia dhe mosinteresimi i pushtetit qendror janë vlerësuar te 24,32 për qind e lexuesve tanë.

Migrimi i të rinjve është përmendur si problem i Bujanocit nga 27% e të anketuarve, ndërsa 18,92% e pjesëmarrësve konsiderojnë se shkaktar i problemeve më të mëdha në komunë është mostransparenca e pushtetit lokal.

Marrëdhëniet e pazgjidhura mes Beogradit dhe Prishtinës nuk kanë zgjuar ndonjë vëmendje të madhe te bujanocasit, meqë këtë e kanë theksuar si problem vetëm 5.4 për qind e të anketuarve, ndërsa 10.8 për qind e të anketuarve e kanë rrumbullakosur mungesën e përmbajtjeve argëtuese.

Në sondazhin e portalit tonë kanë marrë pjesë rreth pesëdhjetë lexues, kryesisht nga qyteti dhe rrethina, dhe shumica besojnë se ekonomia, situata politike, ekologjia, qeveria, por edhe “manipulimi total i popullit nga mediat e regjimit” është shkaktari kryesor i problemeve në mjedisin në të cilin jetojnë.

“Papunësia. Asnjë fabrikë nuk është hapur në 5 vitet e fundit që kam jetuar këtu, edhe pse Vuçiq premtoi hapjen e Gumoplastikës, por nuk është bërë asgjë”, është vetëm një nga një sërë komentesh të ngjashme.

“Ka shumë probleme dhe të gjitha janë të mëdha. Pamundësi punësimi, diskriminim nga shteti i jonë, analfabetizëm i punonjësve të Administratës Komunale, arrogancë e zyrtarëve, mungesë kulture, ndotje. Bujanoci është një perëndim i egër – pa ligje dhe rregulla”, ka komentuar një tjetër lexues.

Nuk kanë munguar as komentet për ruajtjen e pastërtisë në qytet, parkimin e gabuar dhe pritjet e gjata për punime në infrastrukturë.

Çfarë do të ndryshonin lexuesit në Bujanoc nëse do të mund të vendosnin është një nga pyetjet të cilave u janë përgjigjur të anketuarit dhe shumica e përgjigjeve pasqyrojnë gjendjen dhe problemet me të cilat ballafaqohen qytetarët në jetën e përditshme.

Qeveria, punësimet partiake dhe heqja e diplomave false, parkimi, kolapsi i trafikut në qytet, “mentaliteti”, përmenden si shembuj ku ndryshimet janë të nevojshme.

“Do t’i përjashtoja të gjitha partitë politike nga vetëqeverisja lokale dhe do të sillja në pushtet njerëz jopartiakë, të rinj të kualifikuar, të të gjitha nacionaliteteve, të cilët kujdesen për ta bërë Bujanocin një vend më të mirë për të jetuar”, thotë një lexues.

Disa do të “përmirësonin komunikimin e punonjësve të Komunës dhe Policisë me palët”, të tjerë do ta “renovonin Shtëpinë e Shëndetit”, e ka edhe nga ata që mendojnë për banorët më të rinj të Bujanocit, kështu që do të “bënin park dhe një kënd lojërash për fëmijë”.

Bujanoci në periudhën e ardhshme do të mundohet të marrë përgjigje dhe zgjidhje konkrete nga kompetentët dhe përgjegjës për problemet që na i theksuat për të përmirësuar jetën e përbashkët jo vetëm në qytet por edhe në vendbanimet përreth.




Leave a Reply

Your email address will not be published.