fbpx

RRËFIMET E BUJNOCASVE QË KANË SHKUAR NGA KËTU

Bujanoc 10 janar 2022. Unë nuk i kam nëntë jetë si mace, kështu që njërën ta kaloj duke qëndruar para “grazhdeve” të zbrazëta në Bujanoc, tha në anketën e Bujanovaçkes një lexuesi ynë i cili pas largimit nga Bujanoci jeton dhe punon në Luksemburg.

Realizimin e ëndrrës “beogradase” apo “perëndimore” e kanë kërkuar 25 për qind e të anketuarve nga Bujanoci të cilët janë përgjigjur në pyetjet për emigrimin e të rinjve dhe arsyet e largimit të tyre, për të cilat portali ynë ka shkruar të mërkurën.

Në pyetjen “Tregoni arsyet e largimit nga Bujanoci”, përgjigja dominuese ishte “papunësia”.

“U largova për shkak të pamundësisë së punësimit të përhershëm në qytetin tim”, thuhet në një nga përgjigjet.

“Paga të ulëta, perspektiva e keqe, qytet i ndotur. Dhe pamundësia e vetëqeverisjes lokale për të zgjidhur problemet më elementare”, tregon një tjetër lexues për shkaqet e shkuarjes së tij në Belgjikë, ku tani është duke punuar.

Pjesëmarrësit në anketë të larguar nga Bujanoci në përgjigjet e tyre theksojnë se si pushteti republikan ashtu edhe ai lokal janë një nga arsyet e largimit të të rinjve.

“Nuk ka pasur punë për mua, kam hasur kryesisht në dyer të mbyllura sepse nuk kam qenë anëtar i asnjë partie politike. Mendoj se kjo ishte vendimtare për largimin tim nga Bujanoci”, ka komentuar një lexues nga Malta.

“Nuk ka punë për të rinjtë për shkak të punësimit partiak”, thuhet në një tjetër përgjigje.

“U largova për shkak të punësimit politik, sepse të rinjtë nuk kanë të drejta dhe për shkak të ekonomisë së keqe”, ka komentuar një lexues që gjashtë muajt e fundit jeton në Gjermani.

“U largova sepse çdo ditë është e diel”, thekson lexuesi që ka kërkuar “bukën” në Novi Sad.

Papunësia dhe mungesa e vendeve të punës janë arsyet kryesore pse të rinjtë po largohen nga Bujanoci, për çka ka shkruar portali ynë.

Sipas të dhënave të Byrosë Republikane të Statistikave, vlerësohet se numri i banorëve të Serbisë në vitin 2020 është 6.899.126, ndërsa një vit më parë kishte 46.000 banorë më shumë.




Leave a Reply

Your email address will not be published.