15 RASTE POZITIVE NË BUJANOC

Bujanoc 12 janar 2022. – Pas testimit të së martës në Bujanoc janë konfirmuar 15 raste të reja të infektimit me Covid – 19, iu tha portalit tonë në Shtëpinë e shëndetit.

Për dy ditë në komunën tonë me Covid – 19 janë prekur 29 persona, ndërsa që nga fillimi i muajit janë regjistruar 37 raste.

Drejtoresha e Shtëpisë së shëndetit, Dr. Daliborka Pavlloviq, i tha Bujanovaçke të martën se pacientët e rinj me Covid – 19 janë kryesisht me pasqyrë klinike më të lehtë.

Sipas të dhënave të fundit të Entit përmbrojtjen e shëndetit publik në Vranjë, nga territori i rrethit të Pçinjës për COVID-19janë testuar 673 persona, prej të cilëve 205 kanë rezultuar pozitivë ose 30 për qind e të testuarëve.

Numri i të infektuarve është ende në rritje në të gjitha komunat e qarkut.

Më së shumti raste pozitive janë në Vranjë 142 – persona, pasuar nga Surdulica me 25 dhe Vlladiçin Hani me 16.

Tërgovishta dhe Presheva janë komuna me nga katër raste të reja, ndërsa një rast i infektimit me Covid – 19 është regjistruar në Bosilegrad.

Në spitalin Kovid të QSH Vranjë ndodhen 12 pacientë, të gjithë pozitivë me virus dhe me pneumoni.

6 pacientë janë duke u trajtuar me oksigjen.

Në 24 orët e fundit një pacient është shtruar për trajtim spitalor ndërsa asnjë nuk është lëshuar nga spitali.

Dy pacientë janë transportuar për trajtim të mëtutjeshëm në Nish dhe Krushevc.




Leave a Reply

Your email address will not be published. Required fields are marked *