fbpx

SHEKLER: ME OMIKRONIN PËRFUNDON PANDEMIA COVID – 19

Bujanoc 17 janar 2022. – Virologu Millanko Shekler thotë se frika që u përshkallëzua me shfaqjen e omikronit, variantit të fundit të virusit korona, ishte e tepruar dhe se ka shumë gjasa që pandemia të përfundojë me këtë mutacion.

-Mutacionet e reja janë gjithnjë e më shumë të ngjashme me njëra-tjetrën dhe se mbrojtja është duke u përshtatur gjithnjë e më mirë. Shtimi në spital i pacientëve me mutacionin delta ishte pesë për qind, ndërsa me omikron është rreth një për qind – tha Shekler, përcjell Nova rs.

Ai beson se disa masa mbrojtëse kundër omicron, siç janë anulimet e fluturimeve, ishin të panevojshme.

– Mendoj se ishte gabim. Nuk keni nevojë të mbroheni nga një virus që është më i transmetueshëm, por që është më pak patogjen, ndërkohë që ne kemi të pranishëm virusin i cili është shumë më patogjen. Ky vendim ishte e nxituar – thekson Shekler.

Ai shtoi se lloji i parë nga Wuhan është shumë më i ndryshëm nga omikroni.

– Ndaj, ai që u infektua në mars ose prill 2020 ka një gjasa të mëdha për t’u infektuar përsëri, ndërsa gjasat janë rreth 75 për qind. Ata që i kanë mbijetuar llojit delta kanë një shans 30-40 për qind të infektohen me omicron. Kushdo që ka kaluar variantin e Afrikës së Jugut ka një shans prej rreth 50 për qind. Ata që kanë kaluar variantin alfa kanë një shans 60 për qind – thotë Shekler.




Leave a Reply

Your email address will not be published.