Bujanoc 19 janar 2022. – Sigurimi i dokumenteve të Kosovës për qytetarët e Bujanocit, Preshevës dhe Medvegjës që jetojnë në Kosovë, ishte tema kryesore e takimit të kreut të Këshillit Kombëtar të Shqiptarëve në Serbi (KKSH), Ragmi Mustafa, dhe Presidentes së Kosovës Vjosa Osmani.
Pas takimit të djeshëm në Prishtinë, Mustafa ka bërë të ditur se ka falënderuar Osmanin për iniciativën e saj për “lehtësimin e procedurës për marrjen e dokumenteve të Kosovës për banorët e Luginës së Preshevës”.
Bujanovaçke më herët kishte raportuar se, sipas Artan Murati – këshilltar politik i Presidentes së Kosovës, qeveria në Prishtinë kohët e fundit miratoi një projektligj që do t’u mundësojë shtetësinë kosovare qytetarëve të Bujanocit, Preshevës dhe Medvegjës, të cilët kanë jetuar në Kosovë për të paktën pesë vjet që nga viti 1999,.
“Kjo është diçka që ne e kemi kërkuar me vite”, tha Mustafa të martën, pas bisedimeve me Osmanin.
Ai shtoi se është i kënaqur me mbështetjen që Presidentja i ka dhënë Këshillit Kombëtar të Shqiptarëve në përpjekjet e tyre për përmirësimin e pozitës së shqiptarëve në Bujanoc, Preshevë dhe Medvegjë.
