Shkruan: N. Stevanoviq

Bujanoc, 28 mars 2022. – Se ka plan dhe synim për ndërtimin e xhamisë në qendër të Bujanocit e ka konfirmuar sot për portalin tonë kryetari i Bordit të Mexhlisit të Bashkësisë Islame në Serbi, Ragmi Destani. Destani thotë se para tre javësh është dorëzuar kërkesa për leje ndërtimi në Drejtorinë komunale të Urbanizmit.

Xhamia duhet të ndërtohet në rrugën Sava Kovaçevica, rreth njëqind metra larg sheshit të qytetit, në një ngastër që e ka dhënë pronari i një kompanie tregtare nga Bujanoci para 5 viteve.

Në vendin e ngjarjes Bujanovaçke kanë parë pamjet që duket si kantier ndërtimi, por Destani ka mohuar se ka filluar ndërtimi i xhamisë, duke theksuar se do të presë lejen.

– Unë supozoj se punimet në parcelë po kryhen me urdhër të pronarit, por ndërtimi ende nuk ka filluar. Jemi në pritje të lejes, projekti është në proces dhe arkitekti ynë është duke punuar në të – thotë Destani.

Serbët, pronarë të shtëpive përreth, i thanë Bujanovaçkes se shpresonin se ndërtimi nuk do të lejohej.

– Kam dëgjuar se po planifikojnë të ndërtojnë një xhami, por zyrtarisht askush nuk na ka thënë asgjë, mendoj se duhet të na pyesin neve që jetojmë këtu. Nëse kjo është e vërtetë, ne do të organizohemi dhe do të shohim se çfarë do të ndodhë më pas – thotë një banor lokal.

Për ndërtimin e xhamisë Bujanovaçke fillimisht kanë tentuar të marrin informacion nga shefi i Drejtorisë komunale të Urbanizmit, Basri Memeti, i cili nuk iu përgjigj thirrjes sonë.

Mirëpo, në një sms mesazhin bashkë me pyetjen se a është paraqitur kërkesë për leje për ndërtimin e një xhamie, ai më pas është përgjigjur se në “Drejtorat nuk ka një kërkesë të tillë”.

Bashkësia Islame në Serbi (me seli në Novi Pazar), Muftinija në Preshevë, është vetëm njëra nga bashkësitë që bashkon besimtarët islamë në komunën e Bujanocit.

Në Bujanoc është aktive edhe Bashkësia Islame e Serbisë, selia e së cilës është në Beograd, si dhe dy organizata të tjera më të vogla fetare.

Aktualisht ka tre xhami në vetë qytetin: njëra në rrugën e Kosovës, ku mblidhen besimtarët shqiptarë dhe dy të tjerat, ku mblidhen besimtarët romë.