Bujanoc, 28. maj 2022. – Lideri i Koalicionit të Shqiptarëve të Luginës, Shaip Kamberi, i cili dje nuk mori votat e mjaftueshme për deputet në Kuvendin e Serbisë, akuzoi kryetarin e Preshevës dhe Alternativës për Ndryshim, Shqiprim Arifi, se ka bërë fushatë negative kundër tij, e cila rezultoi në dështimin zgjedhor.

Ai fajësoi “djajtë në radhët e shqiptarëve” për dështimin në këto zgjedhje.

“Në dy-tri ditët e fundit para zgjedhjeve, ndërsa përmes portaleve të tij, Shqiprim Arifi ka bërë një fushatë negative kundër meje dhe koalicionit, por secili ka zgjedhjet e veta. Unë dhe Koalicioni i Shqiptarëve morëm mbështetjen e të gjithë shqiptarëve, nga presidenti Ilir Meta dhe kryeministri Albin Kurti, gjë që nuk ka ndodhur kurrë në asnjë proces zgjedhor. Në Preshevë kemi rezistencë ndaj pranisë së shqiptarëve në parlament”, ka thënë Kamberi për KlanKosova.
Koalicioni i shqiptarëve të luginës fitoi 598 vota në zgjedhjet e djeshme, të përsëritura parlamentare, çka nuk mjaftuan që Kamberi të fitonte mandatin e deputetit, si i pari në listën zgjedhore.

Kamberi ka theksuar se dështimi ka ardhur si pasojë e ndarjes së grupeve politike shqiptare, të cilat kësaj radhe nuk arritën të bashkohen në një listë zgjedhore.

“Mendoj se ndarja ka ardhur për shkak të koncepteve politike që është dashur të përfaqësoheshin në Beograd, konceptit të rezistencës politike që kemi pasur si Koalicioni i Shqiptarëve të Luginës dhe konceptit të pragmatizmit që është përfaqësuar nga të tjerët. Rezultatet e zgjedhjeve tregojnë se lista, e cila thoshte se duhet të jemi pragmatikë ndaj Beogradit, ka marrë vetëm 1927 vota në Preshevë, ndërsa vetëm 350 vota në Bujanoc. Elektorati ynë është i përqendruar dhe i orientuar për të mbështetur rezistencën e vazhdueshme politike ndaj Serbisë”, thotë Kamberi.