Shkruan: N. Stevanoviq

Bujanoc, 8 qershor 2022. Përfaqësuesit politikë të shqiptarëve nga Bujanoci, Presheva dhe Medvegja kanë biseduar të marten, në Departamentin Amerikan të Shtetit, me Martin McDowell, drejtor i Zyrës për Evropën Jugore, i cili, sipas kryetarit të Bujanocit Nagip Arifi, ka premtuar trajtim të veçantë “për shqiptarët e Luginës”.

– Nga ky takim u ndamë të frymëzuar me këtë premtim. Takimi në Departamentin e Shtetit në Uashington na inkurajoi që të mbetemi të përkushtuar ndaj qëllimeve tona – tha Arifi.

Në delegacionin e jugut të Serbisë, përveç Arifit, janë edhe kryetari i Partisë për Veprim Demokratik (PVD), Shaip Kamberi; funksionarja e kësaj partie, Ardita Sinani dhe kryetari i Partisë Demokratike të Shqiptarëve (PDSH) , Ragmi Mustafa.

Pas takimit me McDowell, Sinani tha se “Lugina e Preshevës është temë në instancat më të larta të diplomacisë amerikane”.

Ajo i tha se McDowell është bashkëpunëtori më i ngushtë i Sekretarit të Shtetit – Anthony Blinken dhe i të dërguarit për Ballkanin Perëndimor – Gabriel Escobar.

Përfaqësuesit politikë shqiptarë janë takuar më parë në Kombet e Bashkuara dhe Kongresin Amerikan.

Udhëtimi në Amerikë financohet nga 50 mijë euro të dhuruara nga qeveria e Kosovës për Këshillin Kombëtar të Shqiptarëve (KKSH) për “lobimin dhe ngritjen e çështjes së Luginës”, tha Arbër Pajaziti – kryetar i Këshillit lokal të partisë opozitare në Bujanoc, Alternativa për Ndryshim opozitar.