fbpx

ARIFI KËRKOI NGA KURTI DHE RAMA 8 MILIONË EURO PËR SHQIPTARËT NË BUJANOC DHE PRESHEVË

 

Shkruan: N. Stevanoviq

Bujanoc, 20. qershor 2022. (Foto nga FB Albin Kurti) – Kryetari i komunës së Preshevës, Shqirpim Arifi, ka kërkuar 8 milionë euro nga qeveria në Prishtinë dhe nga qeveria shqiptare për “të mbajtur gjallë shqiptarët në Luginën e Preshevës”.

Ai thotë se me rastin e mbledhjes së sotme të përbashkët të dy qeverive në Prishtinë, ka dërguar kërkesë për “mbështetje financiare për Luginën e Preshevës”.

Ai shtoi se pret që kjo të jetë një nga temat e rendit të ditës.

“Presim që në mbledhjen e përbashkët të dy qeverive tona të realizohet iniciativa e dy viteve më parë për themelimin e Fondit Kombëtar të Solidaritetit, si mekanizëm afatgjatë i mbështetjes së Luginës”, ka thënë Arifi.

Siç tha ai, kërkesa është dërguar në kuadër të kësaj nisme.

“I bëjmë thirrje dy qeverive tona që të ndajnë së paku 8 milionë euro, për të mbështetur projektet dhe për të ruajtur jetën e shqiptarëve në Luginë, në të kundërtën “nesër” do të jetë vonë”, thekson Arifi.

Mediat e Prishtinës raportojnë se në seancën e sotme të përbashkët në Prishtinë janë nënshkruar 19 marrëveshje, duke përfshirë një marrëveshje për lirinë e lëvizjes që do të mundësojë lirinë e plotë të lëvizjes ndërmjet Shqipërisë dhe Kosovës.

Për momentin në raportet nuk përmendet çështja e shqiptarëve në Bujanoc, Preshevë dhe Medvegjë.




Leave a Reply

Your email address will not be published.