Bujanoc, 18. gusht 2022. Nga 161 kandidatë për regjistrues në territorin e komunës së Bujanocit, vetëm 72 kandidatë për tri ditë kanë përfunduar fazën e dytë të përzgjedhjes, dorëzimit të dokumentacionit dhe testimit të aftësive kompjuterike.
Testimi dhe dorëzimi i dokumentacionit është i mundshëm vetëm edhe ditën e sotme, ndërsa më herët është përcaktuar që regjistrimin në Bujanoc ta bëjnë 108 regjistrues.
Siç ka marrë vesh Bujanovaçke në vetëqeverisjen lokale, përkundër ftesës dhe udhëzimeve të qarta në të, disa kandidatë nuk janë paraqitur në testim me arsyetimin se nuk kanë ditur se ku të shkojnë.
Pas fazës së dytë të përzgjedhjes për regjistrues, do të ketë trajnim që do të mbahet nga data 29 gusht deri më 16 shtator në sallën e vogël të Qendrës së Kulturës “Vuk Karaxhiq” në Bujanoc.
Më herët është publikuar lista përfundimtare e instruktorëve për regjistrimin e popullsisë në Bujanoc.