fbpx

SHQIPTARËT KËRKOJNË KONSULLATË TË SHQIPËRISË NË BUJANOC

N. Stevanoviq

Bujanoc, 24. gusht 2022. Shqiptarët presin leje për të hapur një konsullatë shqiptare në Bujanoc apo Preshevë, ashtu siç të martën boshnjakët në Novi Pazar morën një përfaqësi konsullore të Bosnjës dhe Hercegovinës.

Kryetari i Këshillit Kombëtar të Shqiptarëve, Ragmi Mustafa, thotë se kërkesa është dorëzuar para tre vitesh.

Ai u deklarua pas hapjes së Konsullatës së Përgjithshme të Bosnjë-Hercegovinës në Novi Pazar.

“Unë mirëpres dhe përgëzoj Këshillin Kombëtar të Boshnjakëve për hapjen e konsullatës së BdheH. Ne presim të njëjtën gjë – hapjen e konsullatës së Republikës së Shqipërisë në Luginën e Preshevës, që është kërkesë e paraqitur nga Ministria e Punëve të Jashtme të Shqipërisë në koordinim me KKSH-në para tre viteve”, tha Mustafa.

Ideja e një konsullate shqiptare në Bujanoc u përmend për herë të parë nga ministri i atëhershëm i Punëve të Jashtme të Shqipërisë Gent Cakaj gjatë vizitës së tij në KKSH në vitin 2020.

“Ne patjetër duhet të hapim një konsullatë të përgjithshme këtu për të mundësuar një lidhje më të fortë mes Shqipërisë dhe shqiptarëve dhe me diplomacinë tonë së shpejti do të sjellim masa shtesë për të forcuar marrëdhëniet me diasporën e këtushme”, tha në atë kohë Cakaj.




Leave a Reply

Your email address will not be published.