fbpx

SHQIPRIM ARIFI: KURTI SËRISH PO I PËRÇANË SHQIPTARËT NË BUJANOC DHE PRESHEVË

 

Shkruan: N. Stevanoviq

Bujanoc, 20 shtator 2022. Vendimi i kryeministrit të Kosovës Albin Kurti për të emëruar Ardita Sinanin si këshilltare politike për Bujanoc, Preshevë dhe Medvegjë do t’i përçajë edhe më shumë shqiptarët në jug të Serbisë, tha kryetari i Komunës së Preshevës, Shqiprim Arifi.

-Në vend që të kontribuojë për unitet në Luginën e Preshevës, ky vendim do t’i përçajë edhe më shumë shqiptarët. Kjo është vendosja e marrëdhënieve me partinë (Partinë për Veprim Demokratik) kryetari i së cilës në Preshevë është Sinani, me një parti që i humbi të gjitha zgjedhjet, nuk përfaqëson kurrfar shumicë dhe një parti të tillë që përfaqësohet nga Sinani, e cila akuzohet për korrupsion. – ka thënë Arifi, përcjell Zëri i Prishtinës.

Arifi u bë kryetar i Preshevës, pasi shumica e re qeverisëse e Alternativës së tij për Ndryshim dhe Lëvizjes për Reforma e largoi Sinanin nga ajo pozitë në prill të këtij viti.

Ai sërish ka kritikuar Kurtin, qeverinë e tij dhe partinë Vetëvendosje, veçanërisht për 2 milionë eurot për Bujanocin, Preshevën dhe Medvegën, të cilat janë premtuar por nuk janë bartur në komuna.

“Duket se ato 2 milionë euro e kanë ndarë vetë Qeverinë e Kosovës, nëse do t’i japë paratë Luginës së Preshevës apo jo, duke shkelur vendimin e Kuvendit të Kosovës. E gjithë kjo po bëhet për shkak të atyre parave, të cilat janë planifikuar të shpërndahen në mënyrë shumë korruptive përmes kanaleve të ministrit Liburn Aliu dhe Vetëvendosjes – tha Arifi.




Leave a Reply

Your email address will not be published.