Bujanoc, Prishtinë, 1. mars 2023. (Foto N1) – Plani evropian i publikuar të hënën në mbrëmje në faqen zyrtare të BE-së është marrëveshja më e mirë mes Kosovës dhe Serbisë që është oruar deri më tani, ka thënë avokati prishtinas, Azem Vlasi, ish-zyrtar jugosllav – shkruan Telegrafi i Kosovës.
Nuk është marrëveshje në mes të Serbisë, “Kosovës e Metohisë”, “Krahinës Jugore”, “shtetit të rremë” e të tjerave, siç thonë në Serbi, por mes Kosovës dhe Serbisë”, ka thënë Vllasi.
Vllasi tha se “në thelb marrëveshja konsiderohet ndërshtetërore”.
“Që kur ka filluar dialogu, marrëveshja e së hënës, e cila titullohet si marrëveshja Kosovë-Serbi, është më e mira. Si në formë, ashtu edhe në faktin që në thelb ranë dakord ta pranojnë si bazë për bisedime të mëtejshme, që konsiderohet një marrëveshje ndërshtetërore”.
Kjo marrëveshje, siç tha Vllasi, është praktikisht një kornizë në të cilën do të vazhdojnë diskutimet për çështje specifike “deri në arritjen e asaj që quhet marrëveshje gjithëpërfshirëse juridikisht obligative për normalizimin e marrëdhënieve ndërmjet Kosovës dhe Serbisë”.
“Në Serbi flitet për dialog, ndoshta është dialog për zgjidhjen e çështjes së Kosovës, sikur atje harrojnë se çështja e Kosovës është zgjidhur dhe ne jemi shtet, dhe tash e ka pranuar vetë Vuçiqi me këtë marrëveshje se bëhet fjalë për normalizimin e marrëdhënieve mes dy vendeve”, theksoi ai.
Sipas avokatit Vllasi, marrëveshja është më shumë një udhërrëfyes i hapave të ardhshëm në të cilat duhet të arrihet marrëveshje për disa çështje specifike.