Bujanoc, 2. mars 2023. Me rastin e formimit të Autoritetit të Përkohshëm të Këshillit Kombëtar të Shqiptarëve (KKSH), Misioni i OSBE-së në Serbi vlerësoi Qeverinë e Serbisë për, siç thonë ata, konsultime të gjera me përfaqësues të komunitetit shqiptar për të gjetur një zgjidhje pragmatike në këtë proces, pas dështimit të pesë partive shqiptare për të rënë dakord për një shumicë në KKSH pas zgjedhjeve të 13 nëntorit. OSBE-ja thotë se duan të shohin një Këshill funksional dhe efikas të Pakicës Kombëtare Shqiptare në të mirë të të gjithë komunitetit.
“Një këshill që mund të ushtrojë të drejtat e tij individuale dhe kolektive brenda gamës së gjerë të kompetencave publike të këshillit të pakicave kombëtare në fushën e arsimit, informacionit/medias, kulturës dhe përdorimit zyrtar të gjuhës dhe shkrimit”, thekson OSBE.
Bujanovaçke njoftoi të mërkurën se Ministria e të Drejtave të Njeriut dhe të Pakicave miratoi vendim për formimin e Autoritetit të Përkohshëm, formimi i të cilit ishte i domosdoshëm pas dështimit të palëve për t’u marrë vesh për shumicën dhe për të zgjedhur udhëheqjen e KKSH-së pas zgjedhjeve, të mbajtura në nëntor të vitit të kaluar.
“Me synimin për të formuar një organ të përkohshëm qeverisës në mënyrë sa më efektive dhe një organizim të mirë dhe efektiv të zgjedhjeve të ardhshme elektorale, kryeministrja Ana Bërnabiq caktoi një takim me përfaqësues të listave shqiptare javën e kaluar”, njoftoi ministria.

Autoriteti i përkohshëm do të drejtojë Këshillin e Pakicës Kombëtare Shqiptare deri në zgjedhjet e reja, këtë herë elektore, të cilat do të shpallen brenda 60 ditëve, ndërsa do të zhvillohen brenda 45 ditëve nga shpallja.