Bujanoc, 11 prill 2023. (Foto ilustrim: “Škoda auto”) – Shkoda, dhe modeli i saj më i njohur “Super b”, është vetura e preferuar e kryetarëve të komunave në jug të Serbisë. As Nenad Kërstiq, kryetari i Komunës së Trgovishtes, një nga më të varfrat në Serbi, nuk mundi t’i rezistonte “Shkodamanisë”. Komuna e udhëhequr nga “përparimtar-ët” ka blerë një Shkoda Super b të re për 4.8 milionë dinarë. Një makinë e re e firmës është blerë nga Auto Çaçak. Veprimi i Kërstiqit për opozitën është shembull klasik i ekstravagancës.
Në këtë model veture vozitet edhe kryetari i Bujanocit, Nagip Arifi, i cili ka trashëguar “Super B-ën” e ri të blerë në vitin 2018 nga Shaip Kamberi, sikur edhe Shqiprim Arifi në Preshevë dhe Sllobodan Milenkoviq në Vranjë.
Por, banorët e Trgovishtit janë shqetësuar veçanërisht nga rinovimi i parkut të automjeteve në një nga komunat më të varfra në vend.
“Në kohë të vështira të krizës ekonomike, kur qytetarët e Trgovishtes mezi ia dalin mbanë, fëmijët po trajtohen prej mjekëve me sms dhe ka shumë probleme që janë prioritet për t’u zgjidhur, drejtuesit e komunës i hedhin paratë e tyre dhe blejnë veturë prej 41 mijë euro”, kanë thënë bordi i Partisë Popullore në Trgovisht, transmeton Južne vesti.
Siç mund të konstatohet nga prokurimi publik, specifikacioni teknik është përpiluar ashtu siç është porositur për “Škoda Super B”, sepse kërkohej një automjet me karakteristika specifike për ato automjete.
Kompania e cila është importuese e përgjithshme për “dëmtimet” – Auto Çaçak ka qenë e vetmja që ka aplikuar në tender ndërsa ky pazar kap vlerën e 4.8 milionë dinarëve me TVSH.
Kompania është e njohur për faktin se vazhdimisht ka rifreskuar parkun e automjeteve të qyteteve, komunave, kompanive dhe institucioneve në jug, kryesisht në Nish, por edhe në Leskovc, Pirot, Dimitrovgrad.