Bujanoc, 20 prill 2023. Për besimtarët islamë në Bujanoc, të premten, më 21 prill, fillon Bajrami i Ramazanit, apo siç quhet ndryshe “Fiter Bajrami”, festë që shënon fundin e një agjërimi njëmujor, i cili pasohet me ditë gëzimi – ditët e Bajramit. Festohet për tre ditë dhe dita e parë e kësaj feste fillon me faljen e namazit të Bajramit pas namazit të sabahut.
Para Bajramit, besimtarët myslimanë shpërndajnë lëmoshë, solidarizohen me të varfrit, për të festuar së bashku këtë festë.
Fillimi i Bajramit shënon fillimin e përhapjes së gëzimit dhe lumturisë në familje, mes të rinjve e të moshuarve, burrave dhe grave. Vishen rrobat më të bukura dhe gjatë ditëve të Bajramit hahet në shenjë adhurimi ndaj Allahut, ndërsa llojet e ushqimeve që karakterizojnë këtë festë janë sarma dhe bakllavaja.
Pjesë e pandashme e festës janë vizitat tek familjarët dhe të afërmit dhe fëmijët marrin ëmbëlsira apo dhurata. Ajo festohet për 3 ditë.
Agjërimi, i cili zgjati një muaj, përfshinte abstenim nga ngrënia, pirja, mendimet dhe veprimet e liga, që fillon nga lindja e diellit deri në perëndim të diellit.
Bujanovaçke urojnë që lexuesit e tyre të fesë islame dhe bashkëqytetarët e tyre ta kalojnë festën në paqe dhe lumturi!