Shkruan: N. Stevanoviq
Bujanoc, 24 prill 2023. Të dhënat për përkatësinë kombëtare të qytetarëve të regjistruar në regjistrimin e vitit të kaluar do të publikohen të premten (28 prill), kur më në fund do të bëhet e ditur se sa serb, shqiptarë dhe romë ka në komunën e Bujanocit. Rezultatet e shpallura do të japin përgjigje edhe për pyetjen se sa shqiptarë jetojnë në Serbi pas 20 vitesh.
Sipas planit për publikimin e rezultateve përfundimtare të regjistrimit të vitit të kaluar, më 28 prill do të publikohen të dhënat për përkatësinë kombëtare të banorëve sipas qyteteve dhe komunave, më 11 maj të dhënat për njësitë e banimit, më 25 maj për moshën dhe gjininë e popullsisë, dhe të gjitha të dhënat e tjera do të publikohen periodikisht deri më 28 dhjetor.
Siç ka shkruar më parë Bujanovaçke, nuk ka të dhëna zyrtare për strukturën kombëtare në komunën e Bujanocit që nga regjistrimi i vitit 2002, sepse shqiptarët e bojkotuan regjistrimin e vitit 2011. Regjistrimi i fundit ndezi spekulimet për numrin e shqiptarëve në jug të Serbisë, sepse politikanët lokal dolën publikisht me një shifër prej 100,000, duke numëruar të gjithë ata që u regjistruan, ndërsa zyrtarët e ERS vlerësuan se ishin 40,000 më pak.
Rezultatet preliminare të publikuara në fund të vitit treguan se komuna e Bujanocit ka 42.634 banorë, që është për 12.050 më pak se numri i regjistruar (54.684).
Sipas të njëjtave të dhëna, numri i përgjithshëm i banorëve në komunat e Bujanocit, Preshevës dhe Medvegjës është 84.169, ndërsa janë regjistruar 123.852 banorë.