Shkruan: I. Jovanoviq
Bujanoc, 14. Maj 2023. (Foto xhirim i ekranit të RTS) – Deri të dielën në mëngjes, qytetarët i kishin dorëzuar policisë 13.500 armë të paregjistruara, nga të cilat rreth 1.750 ishin granata dore, bomba dhe mortaja, tha presidenti Aleksandar Vuçiq dhe shtoi se ishte “krenar për këtë veprim dhe rezultatet e arritura ” sepse është i rëndësishëm për sigurinë më të madhe të qytetarëve tanë..
Siç raporton RTS, Vuçiq në Duvanishte afër Smederevës po merr pjesë në ekspozimin e armëve të paregjistruara, municionit dhe mjeteve shpërthyese të minave, të cilat qytetarët ua kanë dorëzuar stacioneve policore që nga 8 maji.
Vuçiq konfirmoi se shteti është i vendosur të zbatojë vendimin e tij dhe se qytetarët do të mund të dorëzojnë të gjitha armët e padeklaruara, municionin dhe mjetet shpërthyese pa pasoja deri më 8 qershor, por pas këtij afati, sipas presidentit, do të zbatohen masa represive për mbajtje të armëve pa leje dhe të padeklaruara.
Ai theksoi se janë grumbulluar një numër i madh i pushkëve automatike, kryesisht me karikator të palosshëm, si dhe snajper, mitralozë dhe armë të tjera, duke shtuar se është e rëndësishme që gjëra të tilla të përfundojnë në duart e shtetit dhe të mos varemi nga ajo nëse dikush do t’i keqpërdorë ato.
KËTU mund të lexoni gjithçka për procedurën dhe mënyrën e dorëzimit të armëve dhe municionit pa leje.