Bujanoc, 7. korrik 2023. (Foto MPB: heroina e gjetur te i dënuari) – Gjykata e Lartë në Nish e dënoi sot me katër vjet burgim S. V. (69) nga Bujanoci pasi policia e Nishit më 17 janar të këtij viti në automjetin e tij “Mercedes” gjeti pesë pako heroinë me peshë totale prej 1.3 kilogramë.
S. V. është ndalur nga policia në pikën e karburantit në afërsi të Aleksincës, në autostradën Nish-Beograd, dhe gjatë kontrollit të automjetit, kanë gjetur heroinë të mbështjellë me tre çorape dhe të fshehur në zgavrën e tavanit të automjetit, pas konzolës së ndriçimit qendror të automjetit.
Gjyqtari i Gjykatës së Lartë të Nishit, Mirko Drashkoviq, gjatë caktimit të dënimit tha se i pandehuri pranoi se kishte kryer veprën penale të prodhimit dhe shitjes së narkotikëve dhe se dënimi me katër vjet burgim ishte propozuar si nga mbrojtja ashtu edhe nga Prokuroria e Lartë Publike, transmeton “Niške vesti”.
“Ndaj të pandehurit është vendosur masa e konfiskimit të objekteve të ekzekutimit të veprës penale, lëndës narkotike heroinë dhe automjetit të pasagjerëve Mercedes të klasit C me rimorkio. Propozimi i mbrojtjes ka qenë që të mos konfiskohet vetura, por ligji thotë se konfiskohen të gjitha mjetet e përdorura për kryerjen e veprës penale”, tha gjyqtari Drashkoviq.
Gjatë arsyetimit të aktgjykimit dhe duke iu drejtuar të pandehurit, Drashkoviq tha se ai beson se në moshën e tij (69) nuk është dashur të merret me atë për të cilën është arrestuar. Drashkoviq tha gjithashtu se ndalimi i S.V. vazhdohet, sepse nuk ka asnjë arsye të vetme për të marrë një vendim tjetër.