Shkruan: N. Stevanoviq
Bujanoc, 14. korrik 2023. Zjarri që ka shpërthyer sot rreth orës 13 në argjinaturat në afërsi të Lagjes së Re, në afërsi të Shtëpisë së shëndetit Bujanoc, është ndalur me shpejtësi nga zjarrfikësit dhe ende është duke u shuar.
Në vendin e ngjarjes rreth orës 13:45 kemi gjetur policinë dhe banorët e zonës duke fikur zjarrin duke u furnizuar me ujë nga lumi.
Zjarri ka përfshirë anën e majtë të argjinaturës së lumit të Tërnocit, nga ura pranë Shtëpisë së shëndetit dhe është përhapur disa qindra metra më tutje drejt Moravës Jugore.
Sipas zyrtarëve që kemi takuar në vendin e ngjarjes, banorët e zonës që banonin në afërsi nuk ishin në rrezik, përveç faktit se ishin të ekspozuar ndaj tymit.
– Zjarri është ndalur, ka mbetur edhe pak në mes, do ta shuajmë edhe atë – tha njëri prej zjarrfikësve.
Një zjarr më i vogël ka rënë dje në këtë lokacion dhe supozohet se zjarri është shkaktuar nga qytetarë të papërgjegjshëm.