Bujanoc, 29. gusht 2023. Kryeministrja serbe Ana Bërnabiq dhe kryeministri i Kosovës Aljbin Kurti kanë pasur një konflikt verbal në Forumin strategjik të Bled-it nëse Kosova është e pavarur apo jo dhe se kush është kandidat më i mirë për Bashkimin europian, transmeton N1.
Kurti tha se është koha që të gjashtë vendet e Ballkanit Perëndimor të njohin njëri-tjetrin.
Brnabiq theksoi se për të Kosova dhe Serbia janë një vend, se nuk bëhet fjalë për dy shtete dhe se Kosova nuk është anëtare e Kombeve të Bashkuara, si dhe se dyshon se do të bëhet anëtare e BE-së. të paktën përderisa ka dy mosnjohës.
Ajo shtoi se normalizimi është në interes të Beogradit dhe Prishtinës, serbëve dhe shqiptarëve, të gjithë rajonit dhe se është në krye të listës së prioriteteve të Serbisë.
Bërnabiq theksoi se normalizimi filloi me Marrëveshjen e Brukselit më shumë se 10 vjet më parë dhe se e vetmja gjë që duhej të bënte Prishtina ishte formimi i Asociacionit të komunave serbe, i cili ende nuk po bëhet, teksa Kurti tha se për të Marrëveshja e Brukselit nuk ekziston.
“Ne jetojmë për paqen dhe stabiliteti është interesi ynë më i madh, ruajtja e paqes dhe stabilitetit në rajon”, tha Bërnabiq.
Kurti tha se në Kosovë 98 për qind e qytetarëve e mbështesin hyrjen e Kosovës në BE, ndërsa në Serbi 35 për qind për hyrjen e Serbisë në BE, se Serbia as që po mendon të vendosë sanksione ndaj Rusisë dhe se Serbia nuk është distancuar as nga Millosheviqi dhe as nga Putini.
Siç tha, ai dëshiron të normalizojë marrëdhëniet dhe do ta bënte këtë nëse fqinji i tij do të ishte, për shembull, Republika Çeke.
“Normalizimi me Serbinë është shumë më i vështirë. Është e mundur për të arritur atë. Ne duhet të zbatojmë marrëveshjen për të cilën presidenti serb Aleksandar Vuçiç dhe unë u dakorduam në Bruksel, por normalizimi në realitet do të thotë mungesë konfuzioni mes realitetit dhe fantazisë dhe kjo është diçka që për të cilën unë nuk mund të ndihmoj”, tha Kurti.