Shkruan: N. Stevanoviq
Bujanoc, 19. shtator 2023. (Foto nga FB: Nevzad Lutfiu) – Ministrja e arsimit Sllavica Gjukiq Dejanoviq dhe kryetari i Këshillit Kombëtar të Shqiptarëve (KKSH) Nevzad Lutfiu janë pajtuar në një takim të premten e kaluar në Bujanoc që dy shqiptarë të punësohen në pozitat e inspektorit republikan të arsimit dhe këshilltarit arsimor, thotë Lutfiu.
-Shqiptarët do të kenë dy funksione të rëndësishme në arsim. Gjatë takimit me ministren e arsimit të Serbisë, Sllavica Gjukiq Dejanoviq, u pajtuam që KKSH të përpilojë listën e kandidatëve të cilët i plotësojnë kushtet për inspektor republikan dhe këshilltar arsimor – tha kryetari i KKSH-së.
Sipas tij, listën do ta dërgojë direkt në Ministrinë e Arsimit.
– Ministrja Gjukiq Dejanoviq premtoi se këto vende do t’u jepen shqiptarëve – thotë Lutfiu.
Ai ftoi të interesuarit për këto vende pune që të dorëzojnë CV-në e tyre në Këshillin e Shqiptarëve.
Në takim ka kërkuar nga ministrja që përfundimisht të zgjidhet çështja e teksteve në gjuhën shqipe për nxënësit e shkollave të mesme, licencat për mësimdhënësit shqiptarë, njohja e diplomave të Kosovës, por edhe renovimi i shkollave ku mësimi zhvillohet në gjuhën shqipe.