Bujanoc 23. tetor 2023. – Banorët e lagjes së re në Bujanoc kërkojnë nga kryetari i komunës, Nagip Arifi, që të asfaltohen të gjitha rrugët në atë lokalitet, e jo vetëm siç thonë ata rrugët ku jetojnë romët. Ndryshe janë gati të dalin në rrugë dhe të bllokojnë punimet. Përveç kësaj, siç thonë ata, po mbyten në erën e keqe të deponisë ilegale dhe ujërave të zeza që derdhen në lumin e Tërnocit. Ata i dërguan portalit tonë foto të katastrofës ekologjike nga një lokacion vetëm 50 metra larg Shtëpisë së shëndetit.
– Ju lutem publikojeni këtë turp dhe pyesni kryetarin e komunës nëse ka ndonjë gjë të planifikuar për pjesën e Lagjes së Re ngjitur me Shtëpinë e shëndetit. Shikoni si jetojnë njerëzit, ujërat e zeza po derdhen në ujë, ndjehet era e keqe e deponisë që digjet – thotë lexuesi ynë.
Përveç zgjidhjes së fatkeqësisë mjedisore në të cilën jetojnë, banorët e këtij lokaliteti kërkojnë edhe asfaltimin e rrugëve dhe vendosjen e kontejnerëve, pasi nuk kanë ku t’i hedhin mbeturinat.
-Thuajini kryetarit të komunës së Bujanocit Nagip Arifi, se banorët e Lagjes së Re do të dalin në rrugë dhe do t’i bllokojnë punimet nëse nuk asfaltojnë të gjitha rrugët në këtë lagje, jo vetëm rrugët ku jetojnë romët – thotë lexuesi ynë.