Shkruan: N. Stevanoviq
Bujanoc, 16. nëntor 2023. Premtimi i kryebashkiakut të Tiranës, Erion Veliaj, se kryeqyteti shqiptar do të financojë ndërtimin e palestrës sportive në SHF “Naim Frashëri” në Bujanoc, është konfirmuar me vendim zyrtar të Kuvendit të qytetit.
Konkretisht, Kuvendi i bashkisë së Tiranës të mërkurën ka marrë vendim për ndarjen e parave për ndërtimin e palestrës, thonë politikanët shqiptarë nga Bujanoci.
– Vendimi është marrë unanimisht. Fjala e dhënë nga kryebashkiaku Veliaj dhe anëtarët e Këshillit Bashkiak të Tiranës do të realizohet dhe do të përfaqësojë mbështetje konkrete për vëllezërit dhe motrat në Luginën e Preshevës- deklaroi me këtë rast kreu i Partisë për Veprim Demokratik (PVD) Shaip Kamberi.
Bujanovaçke tashmë ka shkruar se ky premtimi i është dhënë kryetarit të Kuvendit të Bujanocit, Enver Ramadani, gjatë vizitës së tij në Tiranë në fund të tetorit.
Ramadani më pas tha se ishte një investim prej gjysmë milioni euro.