Bujanoc,23. nëntor 2023. Për mjekimin e pesëvjeçares Daria Tashkoviq nga Bujanoci, e cila vuan nga dëmtimi i rëndë i nervit optik në të dy sytë, nevojiten edhe 5 milionë dinarë për të përfunduar terapinë. Dy ditë më parë, përmes fondacionit “Niseni jetën” janë hapur llogari për Darinë, të cilave qytetarët mund të paguajnë para dhe mund të ndihmojnë edhe duke dërguar SMS në numrin 222 në 3800.
-Përmes fondacionit BUDI HUMAN (BËHU HUMAN) kemi mbledhur 4 nga 9 milionë dinarët e nevojshëm, pra na duhen edhe rreth 5 milionë dinarë. Tash e tutje mjetet do të mblidhen përmes fondacionit Pokreni život (Ngjalleni jetën) – i tha sot Bujanovackes Marija Tashkoviq, nëna e Darias.
Daria ka bërë tashmë tre operacione, pas të cilave, sipas nënës së saj, shikimi i saj përmirësohej me 10 për qind pas çdo operacioni, kështu që tani ajo sheh 70 për qind në syrin e saj të djathtë, por kjo përqindje është shumë më e ulët në syrin e saj të majtë ashtu që aktualisht është afër 20 për qind.
– Të tre operacionet u kryen në Rusi dhe Daria i përballoi mirë, por ky nuk është fundi. Duhen edhe tre ose katër operacione për të zgjidhur plotësisht problemin – shpjegon nëna e Darias.
Në vitin e dytë të jetës së saj, Daria u diagnostikua me një diagnozë të rrallë të displazisë septo-optike, për shkak të së cilës ajo ka dëmtime të rënda të nervit optik në të dy sytë. Operacionet e nervit oftalmikë nuk janë të mundshme në klinikat në Serbi dhe në rajon, siç ka shkruar më parë Bujanovaçke.
E vetmja shpresë që Daria të shohë më mirë është “Qendra Sverus për Kirurgjinë e Syve dhe Plastike” në Rusi. Daria ka bërë tashmë tre operacione në këtë klinikë në Rusi. Ajo u këshillua të vizitonte klinikën edhe disa herë në mënyrë që të kishte një përparim të dukshëm.
Për faktin se Daria ka dëmtim të të pamurit, ajo ka edhe një zhvillim të ngadalsuar, me faktin se ka nevojë për trajtime të përditshme stimuluese logopedike dhe defektologjike, të cilat kërkojnë kosto të mëdha.
Pavarësisht problemeve që po kalon, Daria është një vajzë gazmore dhe lozonjare që i pëlqen shoqëria, muzika dhe loja.
Nevojiten fonde për operacione, ekzaminime specialistike, trajtime logopedie dhe defektologjike, analiza laboratorike, ilaçe, suplemente, shërbime përkthimi, si dhe për shpenzimet e udhëtimit dhe akomodimit gjatë trajtimit.

Darian e vogël mund ta ndihmojmë duke dërguar SMS 222 në numrin 3800, por edhe duke paguar para në llogarinë në dinarë 160-6000001723456-72 dhe valutë: 160-6000001765660-45.

IBAN: RS35160600000176566045, SWIFT/BC: DBDBRSBG