Shkruan: I. Jovanoviq
Bujanoc, 29 nëntor 2023. Nenad Mitroviq, aktualisht u.d. Drejtorit të Shërbimit Koordinues për komunat Preshevë, Bujanoc dhe Medvegjë është takuar sot në Bujanoc me përfaqësues të Këshillit Kombëtar të Shqiptarëve (KKSH).
– Biseduam për tema aktuale dhe probleme të vazhdueshme. Kemi prekur arsimin, integrimin, planin 7-pikësh dhe të gjitha temat tjera që shqiptarët i kanë hapur së fundmi – thotë Mitroviq për Bujanovaçke.
Ky ishte takimi i parë me përbërjen e re dhe, siç thotë ai, shërbeu për t’u njohur me njëri-tjetrin dhe ajo që bashkërisht konkluduan se dialogu është mënyra e vetme për zgjidhjen e problemeve ekzistuese.
– Në Trupin Koordinues gjithmonë mund të shohin partner dhe bashkëpunëtor, e asnjëherë armik apo ndonjë kundërshtar, prandaj jemi marrë vesh që këto takime të intensifikohen në të ardhmen – , shton Mitroviq.
Për nevojën e rindërtimit të shkollave në viset shqiptare, sipas Mitroviqit, është folur edhe nga përfaqësuesit e KKSH-së, në krye me Nevzad Lutfiun.