Bujanoc, 15. dhjetor 2023. Heshtja zgjedhore nisi në mesnatë dhe përfundon të dielën e 17 dhjetorit në orën 20:00, pra zgjatë deri në mbylljen e qendrave të votimit. Gjobat për mosbindje ndaj heshtjes zgjedhore variojnë nga 50.000 deri në 600.000 dinarë. Të dielën, më 17 dhjetor, 18 lista do të garojnë në zgjedhjet e jashtëzakonshme parlamentare dhe po të njëjtën ditë do të mbahen zgjedhjet krahinore dhe lokale në 65 qytete dhe komuna. Në qarkun e Pçinjës do të votohet në Vranjë, Trgovisht dhe V. Han.

Ligji për Zgjedhjen e Deputetëve Popullor parashikon se 48 orë para ditës së votimit dhe në ditën e votimit, deri në mbylljen e qendrave të votimit, është e ndaluar të publikohen vlerësimet e rezultateve të zgjedhjeve në media dhe në tubime publike, të bëhen prezentime publike të deputetëtve popullor dhe programeve të tyre zgjedhore, si dhe të ftohen votuesit të votojnë, përkatësisht të mos votojnë për lista të caktuara zgjedhore, thuhet në njoftimin e REM.

Të gjithë ofruesit e shërbimeve mediatike mund të raportojnë për paraqitjen dhe adresën e zyrtarëve shtetërorë me rastin e ngjarjeve të jashtëzakonshme dhe tragjike dhe një raportim i tillë nuk përbën shkelje të rregullores për heshtjen zgjedhore.

Në qendrën e votimit dhe në një distancë prej 50 metrash nga qendra e votimit, ndalohet vendosja e simboleve të partive politike dhe materialeve të tjera propagandistike.

Ligji për Zgjedhjen e Deputetëve Popullor parashikon gjoba për shkeljen e rregullave të heshtjes zgjedhore, si për personat juridikë ashtu edhe për personat fizikë. Kjo vlen për televizionin, radion, median e shkruar, por edhe për portalet e internetit që janë të regjistruara si media, ndërsa fushata në rrjetet sociale nuk është e rregulluar, shkruan N1.
Ligji për zgjedhjen e deputetëve popullor parasheh që personit juridik i shqiptohet gjobë prej 100.000 deri në 600.000 dinarë, për kundërvajtje nëse në 48 orët para ditës së votimit dhe në ditën e votimit e deri në mbylljen e qendrave të votimit, shpall vlerësim të rezultateve të zgjedhjeve në media dhe në tubime publike, prezanton publikisht kandidatët në zgjedhje dhe programet e tyre zgjedhore dhe fton votuesit të votojnë ose të mos votojnë për lista të caktuara zgjedhore.

Gjoba për personin përgjegjës në media varion nga 50.000 deri në 150.000 dinarë, për personin përgjegjës në person juridik nga 20.000 deri në 50.000 dinarë dhe për personin fizik nga 10.000 deri në 40.000 dinarë.