MBAJTJE DHE KALLËZIM PENALE PËR SHOFERIN E “AUDI” ME TË CILIN KISHTE GODITUR FËMIUN QË NGISTE BIÇIKLETËN

Bujanoc, 20. dhjetor 2023. – Policia ka konfirmuar se ka arrestuar shoferin i cili të hënën (18 dhjetor) në rrugën “Kosovska” në Bujanoc ka goditur me biçikletë djalin i cili ishte duke kaluar rrugën, duke e lënduar rëndë dhe më pas është larguar nga vendi i ngjarjes. Me urdhër të prokurorit publik kujdestar të Prokurorisë Themelore Publike në Vranjë, të dyshuarit i është caktuar masa e ndalimit deri në 48 orë dhe me kallëzim penal do të dërgohet në prokurori.
Policia në Bujanoc ka arrestuar personin A. A. (2001), në afërsi të këtij lokaliteti, për shkak të ekzistimit të dyshimit të bazuar se ka kryer vepra penale të krimeve të rënda kundër sigurisë së komunikacionit publik dhe mosdhënies së ndihmës personit të lënduar në aksident trafiku.
Dyshohet se më 18 dhjetor të këtij viti, në Bujanoc, duke vozitur një veturë të tipit Audi, ka goditur një fëmijë, i cili me biçikletë po kalonte rrugën duke i shkaktuar lëndime të rënda trupore. Shoferi më pas është larguar nga vendi i ngjarjes.
Fëmija i lënduar ka pranuar ndihmë mjekësore në Qendrën shëndetsore në Vranjë, nga ku është transferuar në Qendrën Klinike në Nish.
Siç njoftoi më herët Bujanovaçke, djaloshi me frakturë të kockës së përparme është pranuar në Klinikën Neurologjike të Qendrës universitare – klinike të Nishit.