Shkruan: N. Stevanoviq
Bujanoc, 8. janar 2024. – Kryetari i komunës së Preshevës, Shqiprim Arifi, ka kritikuar sërish kryeministrin e Kosovës, Albin Kurtii, duke e akuzuar se gjatë gjithë kohës po i përçan shqiptarët që jetojnë në jug të Serbisë. Arifi thotë se Kurti nuk e fton në takimet që ka me politikanët nga komuna e Bujanocit, Preshevës dhe Medvegjës, sepse nuk pranon të jetë i dëgjueshëm para tij.
-Kurti nuk më thërret se kemi pasur një konflikt konceptual për qasjen politike. Unë kam qenë kundër zgjerimit të Vetëvendosjes në Luginën e Preshevës, por për një qasje që është në interes të të gjithë shqiptarëve. Kurti nuk e pranoi. Ai donte që unë të isha i dëgjueshmi i tij, por unë nuk pranova. Unë jam duke folur për gjëra ashtu siç janë, “tha Arifi, sipas shkrimit në portalin kosovar Reporteri.
Sipas tij, Kurti me veprimet e tij po i përçanë shqiptarët në jugun e Serbisë.
-Duke mos i ftuar të gjithë në takime, ku unë dhe disa të tjerë përfaqësojmë partitë më të mëdha, shqiptarët përçahen. Me qasjen që pati në Shqipëri, me pjesëmarrjen e tij në zgjedhjet parlamentare atje, si dhe me qasjen e tij në Maqedoni, ai dëshmon se Lëvizja Vetëvendosje vetëm i përçan shqiptarët. Por Vetëvendosje i përçan edhe shqiptarët në Kosovë sepse shpërndan investime të mëdha vetëm për ato komuna ku ata janë në pushtet. Këto janë përçarje në të gjitha anët. Bojkoti i zgjedhjeve në Luginën e Presevës është pasojë e politikës përçarëse të Kurtit – thotë Arifi.
Qeveria e Kurtit punësoi politikanë nga Bujanoci dhe Presheva, të cilët i përkasin Partisë për Veprim Demokratik (PVD) të Shaip Kamberit, kundërshtarit më të madh politik të Arifit.
Zyrtarja e PVD-së Ardita Sinani është këshilltare e Kurtit për Bujanoc, Preshevë dhe Medvegjë apo Luginën e Preshevës, siç e quajnë shqiptarët këtë zonë, ndërsa Ragmi Mustafa, kryetar i Këshillit lokal të PVD-ës në Bujanoc, është këshilltar i zëvendësit të Kurtit, Besnik Bislimi.