Bujanoc, 5. mars 2024. – Shtëpia e shëndetit në Bujanoc ka pranuar autoambulancë të re nga agjencia turke zhvillimore “TIKA”. Çelësat e veturës “Opel”, në vlerë prej 54 mijë eurosh, kryetarit të komunës Nagip Arifi ia ka dorëzuar ambasadori i Turqisë në një ceremoni të mbajtur sot në Pallatin e Serbisë.
– Ky donacion do të thotë shumë për ne, sepse flota jonë tani do të jetë më e pasur për një automjet tjetër. Përveç nesh, një automjet ka marrë edhe Shtëpia e shëndetit në Bosilegrad, ndërsa inkubatorë ka marrë edhe Spitali i Përgjithshëm në Kikindë. Shfrytëzoj rastin t’i shpreh mirënjohjen time organizatës turke “TIKA”, Ministrisë së Administratës Shtetërore dhe Vetëqeverisjes Lokale dhe Trupit Koordinues për Jugun e Serbisë – thotë për Bujanovaçken drejtoresha e Shtëpisë së shëndetit Dr. Daliborka Pavlloviq, e cila mori pjesë në ceremoni.
Përveç drejtorit, në këtë manifestim ka marrë pjesë edhe drejtori i Shërbimit të Trupit Koordinues për Jugun e Serbisë, Nenad Mitroviq.
Ceremonia u mbajt nën kujdesin e Ministrisë së Administratës Shtetërore dhe Vetëqeverisjes Lokale, me mbështetjen e Trupit Koordinues.
Kjo nuk është hera e parë që Turqia përmes agjencisë së saj ndihmon komunën e Bujanocit.
Ndër të tjera, TIKA dhuroi 35.000 euro për ndërtimin e këndit të lojërave në Bilaç, financoi rindërtimin e një shkolle fillore në Tërnoc, ndërsa Bujanoci mori edhe një kamion për grumbullimin e mbeturinave si donacion.