Shkruan: N. Stevanoviq
Bujanoc, 16. Mars 2024. Një fond prej 3 milionë eurosh nga qeveria e Kosovës për shqiptarët në Bujanoc, Preshevë dhe Medvegjë do të përdoret për projekte të ndryshme në arsim, kulturë dhe “ruajtjen e gjuhës dhe identitetit të shqiptarëve”, thuhet deklaratën e Këshillit kombëtar shqiptar (KKSH), të lëshuar të premten në Bujanoc. Me paratë nga Prishtina do të sigurohen bursa për studentët dhe nxënësit, do të pajisen shkollat, por do të financohet edhe lobimi për të rritur ndërgjegjësimin e institucioneve relevante ndërkombëtare, siç thotë KKSH, për çështjen e shqiptarëve në jug të Serbisë.
Paratë do të shpërndahen përmes tenderëve dhe thirrjeve publike që do të hapen së shpejti. Do të mund të aplikojnë individë, grupe joformale, organizata joqeveritare dhe shoqata qytetare.
Bujanovaçke tashmë ka shkruar se qeveria në Prishtinë ka rritur fondin në vitin 2024 për 50 për qind për shqiptarët në tri komuna në jug të Serbisë.
Mënyra se si KKSH shpërndau milionat e Prishtinës vitin e kaluar provokoi akuza të ashpra për abuzime dhe korrupsion në adresë të Partisë për Veprim Demokratik (PVD) të Shaip Kamberit, e cila drejtonte këshillin në atë kohë.
Më së shumti akuza pati nga Alternativa opozitare për Ndryshim. Lideri i këshillit lokal të kësaj partie në Bujanoc, Arbër Pajaziti, dyshon për shpërndarjen e parave edhe tani që KKSH-ja udhëhiqet në tandem nga PVD-ja dhe Lëvizja për Progres Demokratik (LPD) e Shqiprim Musliut.
“Në Luginë janë të regjistruara rreth 300 organizata joqeveritare ndërsa deri në vitin 2021 ishin rreth 100. A mund të përmend dikush 10 OJQ që kanë aktivitete konkrete në terren?! Mbani frymën miq, po vijnë 3 milionë euro”, ka shkruar ai në Facebook.