Bujanoc, Bruksel, 19. Mars 2024. Mundësinë e gjetjes së zgjidhjes për dinarin në Kosovë e ka lënë të kuptohet dje presidentja e Kosovës, Vjosa Osmani, e cila tha se çështja duhet të zgjidhet urgjentisht dhe se tashmë ka marrëveshje për një pjesë të propozimit amerikan për atë çështje. Ajo nuk e tha këtë në prag të raundit të ri të dialogut të sotëm në Bruksel ndërmjet Beogradit dhe Prishtinës, i cili filloi me takime të ndara të negociatorëve kryesorë me përfaqësuesin special të BE-së, Miroslav Lajçak. Pak para orës 13 ka filluar takimi trepalësh i kryenegociatorëve të Beogradit dhe Prishtinës, Petar Petkoviq dhe Besnik Bislimi, me të dërguarin special të BE-së për dialog, Mirosllav Lajçak, transmeton N1.
Paraprakisht Lajçak është takuar fillimisht me kryenegociatorin e Prishtinës, Besnik Bislimin, e më pas edhe me delegacionin serb të udhëhequr nga drejtori i Zyrës për Kosovë, Petar Petkoviqin.
Një raund i ri i dialogut për normalizimin e marrëdhënieve ndërmjet Serbisë dhe Kosovës është thirrur për të diskutuar për dinarin, pas dekretit të Bankës Qendrore të Kosovës (BQK), që nga 1 shkurti e bëri euron valutën e vetme për pagesat me para të gatshme në Kosovë.
I dërguari amerikan për Ballkanin Perëndimor, Gabriel Escobar, i cili vizitoi Prishtinën javën e kaluar, tha se ai nuk arriti të bindë kryeministrin e Kosovës Albin Kurti që të pezullojë vendimin për ndalimin e dinarit derisa BE, SHBA dhe qeveria e Kosovës të gjejnë një zgjidhje tekmike.
Në agjendën e raundit të sotëm të dialogut do të jetë edhe zbatimi i marrëveshjes për rrugën drejt normalizimit të marrëdhënieve që liderët e Kosovës dhe Serbisë arritën vitin e kaluar në Ohër.
Shefi i diplomacisë evropiane, Josep Borrell, dje, me rastin e përvjetorit të Marrëveshjes së Ohrit, shprehu keqardhjen për zbatimin e pamjaftueshëm të saj dhe konfirmoi se presioni mbi palët do të vazhdojë për të arritur progres.
Petkoviq paraprakisht kishte njoftuar se tema kryesore e takimit do të jetë Asociacioni i Komunave Serbe, por edhe “çështje të tjera të rëndësishme”.