Shkruan: N. Stevanoviq
Bujanoc, 20 mars 2024. (Foto UNI) – Për studentët nga komuna e Bujanocit dhe Preshevës janë dhënë nga 15 bursa të plota për studime në Kolegjin Ndërkombëtar Universitar (UNI) në Kosovë. Kryetarët e komunave kanë nënshkruar të martën memorandumet e bashkëpunimit me përfaqësuesin e kolegjit, Suat Berisha.

Komuna e Bujanocit njoftoi se memorandumi me Kolegjin e Kosovës parasheh që bursa të ofrohen edhe për Universitetin Shtetëror të Arizonës. Gjegjësisht, ky kolegj në Kosovë është në partneritet me një universitet amerikan, sipas faqeve të internetit të të dyja institucioneve.

“Ky memorandum parasheh mundësinë që 15 studentë nga komuna jonë të studiojnë në Kolegjin Universum për studime universitare dhe master me bursë të plotë. Krahas Kolegjit Univerzum, bursa për studime ka edhe në Universitetin Shtetëror të Arizonës”, është bërë e ditur nga Komuna e Bujanocit pas nënshkrimit të memorandumit nga kryetari i komunës, Nagip Arifi dhe Berisha – përfaqësuesi i UNI.

Në emër të Komunës së Preshevës memorandumi është nënshkruar dje edhe nga kryetari Shqiprim Arifi.
Bujanovaçke më herët ka shkruar se për studentët shqiptarë nga Bujanoci, Presheva dhe Medvegja bursat janë të disponueshme edhe në universitetet në Shqipëri.