Bujanoc, 8. prill 2024. Shoqata e miqësisë serbo-turke “Talat Ballkan” ka reaguar ashpër për prishjen e xhamisë së vjetër turke në Bilaç afër Bujanocit, për të cilën portali ynë ka shkruar më herët gjatë ditës së sotme.
Me këtë rast shoqata iu drejtua një numri institucioneve kompetente në Serbi, ndërkaq Bujanovaçkes I kanë dërguar një kumtesë lidhur me këtë ngjarje, të cilën po e transmetojmë me ndërhyrje minimale:
Shoqata “Talat Ballkani” i drejtohet organeve kompetente, Entit për Mbrojtjen e Monumenteve të Kulturës, si dhe Ministrisë së Kulturës së Republikës së Serbisë. Të ndalohet rrënimi terrorist i xhamisë turke në fshatin Bilaç, komuna e Bujanocit, të kryer më 5-6 prill 2024 nga pjesëtarë të nacionalitetit shqiptar. Xhamia është ndërtuar në vitin 1375 nga turqit. Bashkësinë Islame të Bujanocit dhe Preshevës nuk e pranojmë sepse vepron jashtë ligjeve të Republikës së SERBISË. Në të njëjtën kohë, apelojmë në ambasadën turke në Beograd të bëjë presion për shkak të rrënimit terrorist, me lejen e Bashkësisë islame në Bujanoc. Gjithë kjo është bërë në prag të Fitër Bajramit. Xhamia në Bilaç është e vetmja gjë që na ka mbetur këtu. Objektet e çdo feje duhet të mbrohen dhe jo që dikush të pasurohet me terror në emër të fesë”, thuhet në letrën që Agha Amet ia ka dërguar Bujanovaçkes në emër të shoqatës.