Shkruan: N. Stevanoviq
Bujanoc, 15. prill 2024. (Foto e Kamberit ngaFB) – Deklarata e presidentit të Serbisë, Aleksandar Vuçiq, se së shpejti të gjithë ata që shkelin rendin kushtetues të Serbisë, dhe ndodhen në vendet ku Serbia ka pushtet efektiv, do të arrestohen dhe ndiqen penalisht nga autoritetet serbe, është kërcënim për politikanët shqiptarë nga Bujanoci dhe Presheva, sipas organizatës lobuese Liga Qytetare Shqiptaro-Amerikane. Pikërisht me organizimin e këtyre lobistëve politikanët shqiptarë qëndrojnë në SHBA, nga ku shpallin angazhimin e tyre për të fituar mbështetjen e Senatit dhe Kongresit Amerikan.
“Lidhja Qytetare Shqiptaro-Amerikane (AACL) është shumë e shqetësuar për kërcënimin e Vuçiqit dhe efektet e tij të mundshme ndaj shqiptarëve etnikë në Luginën e Preshevës. Liga Qytetare ka më shumë se dy dekada që punon me liderët e shqiptarëve etnikë në Luginën e Preshevës për të tërhequr vëmendjen e drejtuesve të politikës së jashtme në Kongresin Amerikan për shkeljen e të drejtave të njeriut të shqiptarëve”, thuhet në deklaratën e Ligës, e cila është shpërndarë në rrjetet sociale nga politikanë që aktualisht ndodhen në SHBA, si Ardita Sinani dhe Ragmi Mustafi.
Sipas Ligës Qytetare Shqiptaro-Amerikane, “Kërcënimi publik i Vuçiqit vjen një ditë pasi një delegacion nga Lugina e Preshevës – përfshirë Shaip Kamberin, Nagip Arifin, Ardita Sinani dhe Ragmi Mustafi – pati një takim të rëndësishëm në Nju Jork me anëtarët e Bordit Drejtues të kësaj organizate”.
“Dënojmë kërcënimin publik të Vuçiqit ndaj shqiptarëve në Luginën e Preshevës. Ne do të vazhdojmë të punojmë me anëtarët e Kongresit Amerikan dhe organizatat e rëndësishme të të drejtave të njeriut në Shtetet e Bashkuara dhe Evropë për t’u siguruar që komuniteti i shqiptarëve etnikë në Luginën e Preshevës të mos jetë më në mëshirën e regjimit antidemokratik të Vuçiqit. ” thonëata.
Ata i kanë dërguar ftesë, siç thonë, të gjitha organizatave ndërkombëtare për të drejtat e njeriut, si dhe Ambasadës Amerikane në Beograd, që “të merren me këtë situatë të tmerrshme”.
Komuniteti i shqiptarëve etnikë në Luginën e Preshevës mbetet komuniteti më i diskriminuar në Evropë dhe nuk duhet të injorohet pozicioni i tyre në fushën e të drejtave të njeriut dhe drejtësisë”, thuhet në njoftim.
Vuçiq të dielën ka folur për rendin kushtetues të Serbisë dhe pasojat për ata që e shkelin atë në ceremoninë me rastin e Ditës së Aradhës së Policisë Ushtarake për Qëllime të Posaçme Cobra.