Shkruan: N. Stevanoviq
Bujanoc, 22. prill 2024. Deputeti i Bujanocit, përfaqësuesi i komunitetit shqiptar në Kuvendin e Serbisë, Shaip Kamberi, që nga e hëna ndodhet në Strasbur, ku thotë se do të ketë takime me përfaqësues të vendeve të Bashkimit Evropian, Asamblesë Parlamentare të Këshillit të Evropës dhe institucioneve tjera.
Ai e nisi vizitën në Strasbur me një takim me ambasadorin e Shqipërisë në KE, Dastid Koreshi.
– Ne diskutuam planet për një qasje të koordinuar ndaj të gjithë mekanizmave të Këshillit të Evropës. Ky muaj ishte muaj i angazhimit të jashtëzakonshëm sa i përket Luginës së Preshevës. Pas Brukselit dhe ekzekutivit të BE-së, pas takimeve për angazhimin në Senatin dhe Kongresin e SHBA-së, vijon Strasburgu, i cili tregon agjendën më intensive të angazhimit për çështjen e vështirësive dhe diskriminimit me të cilin ballafaqohen shqiptarët në Luginën e Preshevës – deklaroi Kamberi pas takimit me përfaqësuesin e Shqipërisë.
Ai shtoi se Lugina e Preshevës, gjegjësisht komuna e Bujanocit, Preshevës dhe Medvegjës, është në kërkim të një zgjidhjeje, e cila kërkon miq.
Përveç Kamberit, në Strasburg kanë udhëtuar edhe politikania nga Presheva, Ardita Sinani, e cila është këshilltare e kryeministrit të Kosovës, Albin Kurti, si dhe Ragmi Mustafi, këshilltar i zëvendësit të Kurtit, Besnik Bislimi. Sinani dhe Mustafi janë zyrtarë të lartë të Partisë për Veprim Demokratik (PVD), kreu i së cilës është Kamberi.
Një delegacion i politikanëve shqiptarë nga Bujanoci ka vizituar së fundmi Amerikën, për të cilën kanë shkruar Bujanovaçke.
Vizitat financohen nga qeveria e Kosovës.