Bujanoc, 6. qershor 2024. Në zgjedhjet lokale të mbajtura ditë më parë, partitë shqiptare fituan rreth pesëdhjetë vota në fshatrat e Bujanocit të banuara vetëm nga etnia serbe. Ky numër ndoshta është edhe më i madh sepse kemi marrë si shembull vetëm 6 vendbanime të banuara me serbë. Për nga numri i votave në këto mjedise prinë Partia Demokratike e Nagip Arifit prin, e cila mori gjithsej 23 vota në 6 bashkësi lokale serbe (Klenik, Kërshevicë, Zhbevc, Llopardincë, Bozhinjevc dhe Lilancë). Më pas është fituesi i zgjedhjeve Fronti për Ndryshim, i cili fitoi 18 vota në të njëjtat fshatra, sipas procesverbaleve nga vendvotimet e publikuara në ueb faqen e KRZ-së.
Në vendin e tretë është Lëvizja për Progres Demokratik e udhëhequr nga Shqiprim Musliu, i cili fitoi 4 vota në Lilanac, ndërsa Partia për Veprim Demokratik mori 2 vota, nga një në Klenik dhe Kërshevicë.
Nga 2104 votues që kanë shkuar në votime në këto fshatra më 2 qershor, 47 prej tyre (2.2%) ia kanë dhënë besimin njërës prej partive shqiptare.
Kryetari aktual i komunës Nagip Arifi ka marrë më së shumti vota në fshatin Bozhinjevc (8), dy më pak në fshatin Klenikë (6), 5 në Llopardincë, 2 në Kërshevicë dhe nga 1 votë në Zhbevc dhe Lilancë.
Fronti për Ndryshim fitoi nga 6 vota në Zhbevc dhe Lilancë, 5 në Llopardincë dhe 1 në Bozhinjevc.