Bujanoc, 6.korrik 2024. Mbi 12 kilogramë marihuanë ka konfiskuar policia në fshatin Miratovac afër Preshevës dhe ka arrestuar H.D. (1985) nga afërsia e atij vendi i cili ishte në automjetin në të cilin u gjet lëndë bimore e dyshuar si lëndë narkotike.
Ai është arrestuar nga pjesëtarët e Drejtorisë së Policisë Kufitare dhe DP Vranjë për shkak të ekzistimit të dyshimitt ë bazuar se ka kryer veprën penale të prodhimit dhe shpërndarjes së paautorizuar të narkotikëve si bashkëkryes.
Siç thuhet në njoftim, policia ka kontrolluar “pikapin” me targa kroate, në të cilin i dyshuari dhe një person tjetër i kërkuar kanë hyrë në Serbi nga Republika e Maqedonisë së Veriut, ndërsa në kargon dhe kabinën e automjetit kanë gjetur disa pako me rreth 12.2 kilogramë lëndë bimore e dyshuar si marihuanë.
Kqyrjen e kanë kryer prokurori publik kujdestar i Prokurorisë së Lartë Publike në Vranjë dhe zyrtarë policorë.
Të dyshuarit me urdhër të prokurorit kujdestar të Prokurorisë së Lartë Publike në Vranjë i është caktuar masa e ndalimit deri në 48 orë dhe me kallëzim penal do të dërgohet në prokurori.