Shkruan: I. Jovanoviq
Bujanoc, 19 gusht 2024. Goran Kostiq Mekica nga Llopardinca thotë se një grup banorësh të këtij fshati, por edhe të Rakocit, Bozhinjevcit, Levosojës dhe Bujanocit po përgatisin një protestë për shkak të premtimeve të pambajtura të Sasha Arsiqit, liderit të koalicionit “Ndryshimi tani, për fshatin tonë, për qytetin tonë”, në të cilin ishte anëtar edhe Kostiq. Kostiq, i cili gjatë fushatës në këto zgjedhje përfaqësoi “Fytyrën e re të Serbisë” e kishte vendin e dytë në listën zgjedhore të Arsiqit, thotë gjithashtu se pika e fundit ishte kur djali i Sasha Arsiqit, Stefan Arsiq, u emërua ndihmës i kryetarit të komunës, edhe pse , siç thekson Kostiq, ai është person pa formim adekuat profesional dhe pa përvojë pune.
– Pra, a është i vetmi i ri që është i martuar dhe ka fëmijë? A e dini sa ka të tillë, jo vetëm në Llopardincë, të shkolluar dhe me perspektivë, të cilët janë shumë më të kualifikuar për punën e asistentit se sa djali i Sashës, u indinjua Kostiq.
Ai paralajmëroi protesta në fund të 100 ditëve të qeverisë së re.
– Populli u mashtrua, sepse Arsiq nuk përmbushi asgjë për të cilën u pajtuam në fushatën para zgjedhjeve. Presim 2 shtatorin, pra të kalojnë 100 ditët e qeverisë, kështu që me shumë gjasa do të organizojmë një protestë dhe pastaj do të themi gjithçka se për çfarë ishim marrë vesh – shton Kostiq.
Ai shton se Arsiq ka shkelur të gjitha marrëveshjet e mëparshme:
– Kemi pasur një marrëveshje që cili lokalitet do të ketë rezultatin më të mirë, pas zgjedhjeve atij i takon edhe vendi i parë i punës, ndërkaq dihet se Llopardinca ka pasur rezultatin më të mirë. Sasha Arsiq më ofroi Këshillin Komunal apo Komunalinë, por ai kishte një kusht që tani nuk dua ta bëjë publike dhe nuk u pajtova me të – thotë Kostiq për Bujanovaçke.
Kostiq e uron djalin e Arsiqit, Stefan Arsiq, për pozitën e asistentit të kryetarit të komunës dhe, siç thotë ai, i uron të gjitha të mirat, por beson se pozita i takon dikujt tjetër.
– Ai vend i takon dikujt tjetër, pra atij që ishte më i miri në listë. Nuk mendoj se ai vend më përket mua, nuk kam shkollë dhe nuk më intereson, por në fshatin tonë ka edhe të rinjë me arsim universitar dhe që sipas numrit të votuesve, e meritonte ate vend. Marrëveshja ka qenë që të punojmë në interes të qytetarëve, jo për interesin tonë personal. Sasha nuk pyeti askënd, nuk folëm për këtë, ai vendosi ta emërojë vetë djalin e tij – thotë Kostiq.