Shkruan: I. Jovanoviq
Bujanoc, 9 shtator 2024. Më shumë se 100 bujanocas janë paraqitur për ekzaminime parandaluese pa pagesë, të cilat janë organizuar të dielën në Shtëpinë e shëndetit në Bujanoc. Interesi më i madh ishte në analizën e markerëve tumoralë.
-Kemi marrë 70 mostra për markerët e tumorit, 58 analiza të gjakut dhe sheqerit në gjak, janë bërë 6 radiografi dhe 30 ekzaminime ekografike të abdomenit – ka thënë për portalin tonë drejtoresha e Shtëpisë së shëndetit, Dr. Daliborka Pavlloviq.
Krahas këtyre ekzaminimeve, shton ajo, janë kryer 16 ekzaminime të përgjithshme sistematike të të rriturve dhe 13 ekzaminime sistematike të fëmijëve.
-Gjatë javës do të marrim rezultatet e tumormarkerëve, sepse ato bëhen në Vranjë – thotë doktoresha Pavloviq.