PATRIOTIZËM NUK ËSHTË ME RREH GJYKS POR TA RUAJMË DHE MOS TA NDOTIM QYTETIN TONË

Bujanoc, 3 tetor 2024. – Një nga prioritetet e pushtetit të ri lokal, siç e kanë paralajmëruar vetë me marrjen e detyrës, është një qytet më i pastër, ndërsa Bujanovaçke ka shkruar për problemet komunale pafundësisht gjatë viteve, kryesisht falë lexuesve tanë që na i kanë vënë në dukje përmes aplikacionit tonë Njofto Bujanovaçke, prandaj ju ftojmë të vazhdoni ta bëni këtë.
Janë hequr një sërë plehrash ilegale në qendër të qytetit, janë vendosur kontejnerë të rinj që zbrazen rregullisht dhe çdo ditë mund të shohësh punëtorët e Komunalisë në rrugë me pajisjet e tyre.
Të mërkurën u përballën me një detyrë serioze – pastrimin e rrugës së “Kosovës”, me theks në pjesën nga Bujanoci deri në Tërnovc.
Kryetari i komunës, Arbër Pajaziti, përmes një postimi në rrjetet sociale ka konfirmuar se pastërtia e qytetit mbetet një ndër prioritetet e qeverisjes.
“Prioriteti i qeverisë sonë do të jetë pastërtia në rrugë, sheshe dhe në çdo vend tjetër publik.”
Këtë do ta bëjmë në bashkëpunim me qytetarët dhe NP “Komunalia”, duke u kujdesur së bashku për zonën publike dhe mjedisin tonë”.
Së fundi, një pjesë e përgjegjësisë, edhe atë një pjesë të mirë të saj, e kemi edhe ne qytetarët, që të mbrojmë qytetin tonë, sepse shumë prej nesh nuk kemi qytet rezervë. Në fund të fundit, kështu tregohet më së miri patriotizmi.