Bujanoc, 29 tetor 2024. Kryetari i Komunës së Bujanocit, Arbër Pajaziti, të hënën mori pjesë në ceremoninë me rastin e 22-vjetorit të themelimit të Agjencisë Ekonomike të Kosovës, për të cilën thotë se është institucion kyç në zhvillimin ekonomik të Kosovës dhe mbështetjen e bizneseve lokale.
Siç tha ai, krahas urimeve me rastin e këtij jubileu të rëndësishëm, ka shfrytëzuar rastin të kërkojë më shumë mbështetje për kompanitë në Bujanoc, Preshevë dhe Medvegjë.
“Me më shumë mbështetje për kompanitë tona, ne mund të forcojmë ekonominë lokale, të krijojmë vende pune dhe të sigurojmë një të ardhme më të mirë për qytetarët tanë”, tha Pajaziti.